Azken urteetan Uribarri BHIko ikasleak Bidebieta irratira joan izan dira bertan irratigintza lantzeko. Hori dela eta, eskuragarri dituzue Bidebieta irratiaren YouTubeko kanalean bideo hauek.
Aurten ere, gured DBH 3ko ikasleak bertaratu dira eta pila bat ikasteaz gain, grabazio batzuk egiteko aukera izan dute. Hain zuzen ere, Mónica López eta Mailen Pérezek ondorengo testua idatzi digute egindakoak azalduz:
Basauriko irratira joan baino lehen irratigintzako hiru saio izan genituen. Lehenengo saioan
irratitik aditu bat etorri zitzaigun, eta irratiaren nondik norakoak azaldu zizkigun. Bada,
irratiari buruz hitz egin genuen, eta irrati saio baten eskema baliatuz, antzerki txiki bat egin
genuen ikaskideekin.
Bigarren eta hirugarren saioetan taldetan jarri ginen eta bakoitzak irratian irakurtzeko berri
bat asmatu zuen. Hori egin ostean, taldez talde klase osoaren aurrean egindako irrati saioa
irakurri genuen, eta klaseko azkenengo minutuetan talde bat sortu zen Basauriko irratira
joateko.
Irratira joateko egunean institututik atera ginen 3DBHtik aukeratutako ikasleok, eta
Basauriko gizarte etxeraino joan ginen. Han Basauriko irratiaren nondik norakoak azaldu
zizkiguten eta nola grabatzen zen irakatsi ziguten; guzti horren ostean, , talde bakoitzak
saio labur bat grabatu zuen bi biderrez. Bukatutakoan, institutora itzuli ginen.
Aitortu behar dugu asko ikasi genuela, eta, orokorrean, oso esperientzia aberasgarria izan
zela denontzat. Nahiz eta gutariko batzuek irratia dagoeneko ezagutzen zuten, eskolarekin
bisitatu baitzuten, primeran pasatu genuen.
Hemen doaz DBH 3. mailako klasekide batzuen argazkiak, Basaurin eta inguruko herrietan publikatzen den Geuria egunkariaren ale batekin. Oso eskertzekoa da Geuriaren lana, euskaraz argitaratze baita.
0 comentarios :
Publicar un comentario